Sigurður

video video.

2006-05-15T13:34:00.000Z

Hérna er stutt myndband með hljóði sem vinkona Aude gerði um Herdísi. Mér finnst það vera í Amelie/Good bye Lenin anda. Afar sætt.

http://www.dailymotion.com/YasminaKLM/video/170544

Hún líkist mér.

2006-05-12T23:13:00.000Z

Herdís hefur fengið sömu beyglu á vinstra eyra og pabbinn...
Við erum búinn að skipta um yfir 30 bleyjur síðan hún fæddist á þriðjudaginn. Þvottavélin okkar er búinn að vera í gangi dag og nótt. Hörku vel frá þýska hergagnaframleiðandanum Simens, Siwamat plus 285. Örugglega eitthvað sterkt í henni. Læt fylgja mynd af henni seinna...
Á morgun kemur ljósmóðirin og kennir okkur að baða Herdísi litlu. Ég er mjög spenntur.
Jæja ég er farinn að skipta um bleyju þrjátíuogeitthvað....

Sko þetta gat maður.

2006-05-11T18:46:00.000Z

Dóttir mín Herdís fæddist 9. maí kl kl1857.
Ég er geðveikt ánægður.

Hmmm.

2006-01-30T23:16:00.000Z

Jæja. Núna fer bráðum eitthvað að gerast...

2005-03-03T22:06:00.000Z

Þegar ég var útí Þýskalandi fann ég þýska teiknimyndasögu sem ég man ekki hvað heitir og man ekki eftir hvern hún var. En hún fjallar um endurkomu Hitlers til nútímans. Hann hafði verið í felum neðanjarðar í öll þessi ár og vegna einhverjar kemískar mengunar í holræsunum ekki elst baun. Sama sagan var með Göring, sem hann hitti fyrir slysni í kaparett í Hamborg.

Gaman að sjá að ekki eru allir Þjóðverjar of eyðilagðir yfir þessum hluta af sögu sinni að þeir geta ekki gert grín af henni.

Sagan verður frekar súr þegar líður á. Hitler endar á fyllirí með Prince og Michael Jackson og lafði Díana kemur eitthvað við sögu....

Það er algjör tilviljun að minnst er á Hitler í tveim síðustu færslum mínum, ég er ekki að fá kauða á heilann eða neitt svoleiðis.

2005-02-23T10:48:00.000Z

Bismarck hress með bokkuna.

Nálægt miðbænum í Hamborg er stór stytta af Otto von Bismarck. Hann var fyrsti kanslari sameinaðs Þýskalands 1871-1886. Bismarck hafði gífurlega mikil áhrif á framtíð Evrópu og er talinn hafa verið einn voldugasti stjórnmálamaður Evrópu á 19. öldinni. Realpólitikus af bestu gerð.

Hann var líka fyllibytta. Fyrir hverja máltíð drakk hann heila kampavínsflösku, fyrir morgunmat, hádegismat og kvöldmat. Eftir hverja máltíð drakk hann að minnstakosti 3 til 5 schnappsskot. Alltíallt 3 kampavínsflöskur á dag, og ca 1 flösku af einhverskonar schnappsi.

Winston Churchill er talinn hafa verið einn voldugasti stjórnmálamaður heimsins á 20. öldinni. Hann átti mikin þátt í því að móta Evrópu eftir seinni heimsstyrjöldina.

Churchill var sömuleiðis fyllibytta og átti víst auðvelt með að klára tvær ginflöskur á venjulegum vinnudegi. Eflaust drakk hann meira um helgar.

Ég er ekki reyna að alhæfa að allir voldugustu stjónmálamenn sögunnar hafi verið fyllibyttur. Adolf Hitler, listaskóla"drop out," var nefnilega púrítani af verstu gerð. Hann snerti ekki brennivín og borðaði ekki kjöt. Ólíkt listaskólanemum og grænmetisætum í dag þá var hann rosalega ó-pc og klæddist stífum einkennisbúningum en ekki "second hand- look alike" fötum.

Það er helvíti margt í mörgu...

Schwarzwaldklinik

2005-02-19T14:39:00.000Z

Nú geta aðdáendur þýskra sápuópera tekið upp gleði sýna á ný. Það er byrjað að framleiða nýja þáttaröð af Sjúkrahúsinu í Svartaskógi, eða Die Schwarzwaldklinik, Die nächste generation. Það er örugglega bara tímaspursmál hvenær RUV kaupir eina þáttaröð, sem eru um 800 þættir, og leyfir okkur Íslendingum að njóta þýsks gæða efnis. Ef ekki þá byrja ég á undirskriftasöfnun til að þrýsta á þá.

2005-02-18T10:22:00.000Z

Extacy + Viagra = Sextacy.

Þýska menningar og afþreyingar tímaritið Das Bild birti viðvörun um daginn um að nýtt eiturlyf herjaði á diskótekin í Þýskalandi. Það heitir Sextacy og er blanda af frygðarlyfinu Viagra og Extacy. Eiturlyfið, sem er tekið inn í töfluformi, á að hafa þau áhrif að maður dansar eins og vitleysingur(Extasí-ið) og maður verður alveg hjólgraður(Viagra).

Þetta eru nú ekki ósvipuð áhrif og eftir eina kippu af Miller Draft og pela af Kaptain Morgan. Eh! eiturlyf speiturlyf.

Grannar

2005-02-14T15:42:00.000Z

Nágrannarnir mínir á Valparaisosstraße 5 í Hamburg.

Þegar ég lít út um eldhúsgluggan blasir við mér byggingin sem sést á myndinni.

Á efstu hæðinni býr þjóðernisinni. Einn af fáum sem til eru í Hambúrg. Hann er með verönd upp á þaki hjá sér og á góðviðrisdögum flaggar hann þýska keisarafánanum(það er bannað að flagga hakakrossinum). Hann er hvítur með svartan kross, og efst í hægra horninu er minni kross "járnkrossin".

Á hæðinni fyrir neðan býr ungt par sem vinnur í tískuheiminum. Fatahönnuðir eða eitthvað svoleiðis. Í glugganum sjást gínur klæddar í nýjustu tísku. Um helgar halda þau geðveik "heiß" partí með framúrstefnulegri tónlist, strópljósum, og allir eru með grænt eða blátt bús í glösunum.

Á neðstu hæðinni er bílaverkstæði í eigu nokkura Júgóslava. Í portinu sem er á milli verkstæðisins og eldhúsgluggans leggja þeir bílunum sem þeir tíma ekki að henda og ætla að gera við seinna. Oft eru þetta skrítnir bílar sem maður sér ekki á hverjum degi á Autobahninum. Breskir, Pólskir eda Kínverskir. Stundum opna þeir allar hurðir á verkstæðinu, til ad lofta út eða eitthvað. Þá heyrir maður þá kallast á, á Júgóslavnesku.

Düsseldorf 2

2005-02-13T16:36:00.000Z

Þrátt fyrir tómann maga var ég ánægður með dvölina í Düsseldorf.

Düsseldorf

2005-02-13T11:34:00.000Z

Um daginn ákvað ég að heimsækja Stinna Hemm í Maastricht. Á leiðinni þangað stoppaði ég í einn dag í Düsseldorf. Þeir sem þekkja til raftónlistarinnar vita að hún er höfuðborg raftónlistarinnar í heiminum. Og þeir sem þekkja mig vita að ég er svolítið veikur fyrir Kraftwerk, sem koma einmitt frá Düsseldorf.

Dvölin í Düsseldorf var mjög skrítin. Þar er ekkert fólk að finna. Bara kaplar, og rústfríar súlur sem rísa langt upp í loftið. Kaplarnir tengjast þessum súlum og húsunum í kring. Myndin hérna fyrir ofan lýsir þessu nokkuð vel. Er maður gengur um borgina heyrast, óreglulega, mis löng bíb- hljóð og á sumum stöðum heyrir maður melódíur úr bestu lögum Kraftwerks, t.d Autobahn og Trans Europa Express.Vélarnar sem virtust stjórna borginni sýndu mér mikla gestrisni. Verst var að ekkert var til að borða í allri borginni þar sem matur er óþarfi fyrir vélarnar. Ég mun eflaust skoða þessa borg betur seinna, með nesti.

Ó guð vors lands!

2004-12-19T15:21:00.000Z

Ó, guð, ó, guð! Vér föllum fram
og fórnum þér brennandi, brennandi sál,
guð faðir, vor drottinn frá kyni til kyns,
og vér kvökum vort helgasta mál.
Vér kvökum og þökkum í þúsund ár,
því þú ert vort einasta skjól.
Vér kvökum og þökkum með titrandi tár,
því þú tilbjóst vort forlagahjól.
:; Íslands þúsund ár, ;:
voru morgunsins húmköldu, hrynjandi tár,
sem hitna við skínandi sól.

Hugvekja 2

2004-12-19T15:13:00.000Z

Í bljúgri bæn og þökk til þín
sem þekkir mig og verkin mín
ég leita þín Guð leiddu mig
og lýstu mér um ævistig

Hugvekja

2004-12-13T00:38:00.000Z

STALÍNSBORG
Á hverjum morgni hlaupa börnin um,
undir fegurð himinsins,
undir útréttum armi þínum, félagi Stalín,
þar sem þú stendur á miðju torgi.
Á hverju kvöldi leika þau sér í skuggum trjánna...

Sumarlangan daginn réttir þú þeim hönd þína
í miðjum bænum, - og olíuborturnarnir
lýsast upp af hlátri barnanna.

R. Xhaxhiu.

Sagnfræðingar án Landamæra.

2004-12-02T14:05:00.000Z

Þegar ég verð búinn með B.A ritgerðina mína í sagnfræði, mun ég ganga til liðs við Sagnfræðingar án landamæra. Ég vill fara til landa sem eru á lágu menningarstigi, þar sem almúginn veður í villu og svima vegna lélegrar sögukennslu á barna- og menntaskóla árunum. Mér dettur helst í hug miðvesturríkin, Wyoming eða Colarado í þessu sambandi. Ég sé mig í anda leiðbeina fávísum lýð í gegnum mikilvæg ártöl og hugmyndastefnur, – lesa upp úr Heimsbyggðinni fyrir þá og sjá þakklætisvott í augum þeirra. Annars mun ég fara þangað þar sem höfuðstöðvarnar í Uppsölum senda mig.

Ég er nefninlega þannig gerður að ég verð að gefa, ekki bara þiggja endalaust. Það er alveg óþolandi fyrir samvisku mína að vita af fólki sem líður fyrir það að vita ekki hver Herodotus var, eða hvað annálahreyfingin í Frakklandi gengur út á. Ég, – sem kem frá svo menningarlegu auðugu landi þar sem sagnfræðikennsla er á gífurlega háu plani verð að gefa samtökunum Sagnfræðingar án landamæra vinnu mína í að berjast gegn fáfræði, rangri söguskoðun og hæpnar túlkanir á sagnfræðilegum atburðum.

Núna fer eitthvað að gerast

2004-11-30T21:12:00.000Z

Hmm.. sjáum nú til.